Նախ և առաջ, խնամքի մատակարարները պետք է իրենց խնամքի տակ գտնվող յուրաքանչյուր երեխայի համար մշտապես ունենան արտակարգ իրավիճակների դեպքում կապ հաստատելու համար մի քանի անձանց կոնտակտային տվյալներ, ովքեր անհրաժեշտության դեպքում կարող են երեխային վերցնել խնամքի կենտրոնից։ Ծնողները պետք է նշանակեն լրացուցիչ խնամակալների, որոնք ծնողների կալանքի կամ արտաքսման դեպքում պատրաստ կլինեն հոգ տանել իրենց երեխայի մասին, և նախապես կգրանցեն այդ խնամակալների տվյալներն իրենց խնամքի կենտրոնի արտակարգ իրավիճակների կոնտակտների/կենտրոնից երեխային վերցնողների ցուցակում: Արտակարգ իրավիճակների դեպքում ձեր երեխաների խնամքի պլանավորումը կազմակերպելու համար ծանոթացեք այս ուղեցույցին:

Եթե ոչ ոք չի գալիս երեխային խնամքի կենտրոնից վերցնելու, ապա խնամքի մատակարարի կողմից պետք է գրառվեն երեխայի բոլոր արտակարգ իրավիճակների կոնտակտների և լիազորված անձանց հետ կապ հաստատելու փորձերի մանրամասները:Եթեանցել է զգալիժամանակև չի հաջողվելկապվելորևէարտակարգիրավիճակներիկոնտակտի/լիազորվածանձիհետ, մատակարարըպետքէոչ ճգնաժամային հեռախսոահամարով կապ հաստատիտեղականիրավապահմարմիններիկամ երեխաների պաշտպանության ծառայությունների հետ: Անհրաժեշտության դեպքում` խնամքի մատակարարները կարող են երեխային հանձնելոստիկանությանը կամ երեխաների բարեկեցության ոլորտի աշխատակիցներին ` նախապես ստուգելով նրանց` լուսանկարի առկայությամբ անձը հաստատող փաստաթուղթը և գրանցելով աշխատակցի անուն-ազգանունը և կրծքանշանի համարը:

Ծնողներն ու խնամակալները կարող են թույլտվություն տալ այլ անձանց վերցնել իրենց երեխաներին մանկական խնամքի կենտրոնից՝ երեխայի խնամքի մատակարարին տրամադրելով գրավոր թույլտվություն։ Լիազորագիրը պետք է ստորագրված լինի ծնողի/խնամակալի կողմից և ներառի լիազորված անձի անուն-ազգանունը, կոնտակտային տվյալները, երեխայի հետ ունեցած ազգակցական կապը և մատակարարի կողմից երեխային լիազորված անձին հանձնելու մասին դիմումը: Ծառայության մատակարարները որպես կանոն ունեն երեխային վերցնող լիազորված անձին փաստաթղթավորելու համար ստանդարտ ձևաթուղթ: Խնամքի մատակարարները պետք է մշտապես խրախուսեն ծնողներին և խնամակալներին անհրաժեշտության դեպքում վերանայել և թարմացնել այս ձևաթուղթը:

Եթե ծնողները/խնամակալները ցանկանում են իմանալ, թե ինչպես իրենց երեխայի համար նշանակել այլընտրանքային խնամակալ, որը երեխայի ծնողի/խնամակալի բացակայության դեպքում կկարողանա որոշումներ կայացնել երեխայի կրթական և առողջական հարցերի վերաբերյալ, ապա պետք է ծանոթանան այս ուղեցույցից:

Ներկայումս իրավական կարգավիճակ չունեցող ծնողները քիչ հավանական է, որ ենթարկվեն կալանքի՝ միայն երեխայի խնամքի նպաստ ստանալու պատճառով։ Երեխայի խնամքի նպաստի ծրագրերի մեծ մասն իրավասության գնահատման ընթացքում հաշվի չեն առնում ծնողի ներգաղթային կարգավիճակը։ Ուստի, գրեթե բացառվում է, որ այդ նպաստներից օգտվելու հետևանքով ընտանիքին կալանք սպառնա։

Պետական ֆինանսավորմամբ գործող երեխաների խնամքի նպաստի ծրագրերի մեծ մասը չի պահանջում գրանցման ժամանակ նշել ծնողների ներգաղթային կարգավիճակը: Այնուամենայնիվ, որոշ ծրագրեր, օրինակ CalWORKs-ը, ներգաղթային կարգավիճակը դիտարկում են որպես իրավասության չափանիշ: 

Այնպիսի դաշնային ծրագրեր ինչպիսիք են Child Care Development Fund -ը և Head Start-ը նպաստների համար դիմելիս չեն պահանջում նշել ծնողների քաղաքացիության կարգավիճակի վերաբերյալ տվյալներ, հատկապես եթե նպաստը հատկացվում է ԱՄՆ քաղաքացի երեխայի: Երեխաների խնամքի որոշ պետական ծրագրեր ևս ֆինանսավորվում են դաշնային դրամաշնորհային ծրագրերի կողմից: Այդպիսի դաշնային դրամաշնորհային ծրագրերի համար իրավասությունը կարող է կախված լինել ոչ թե ծնողի, այլ երեխային ներգաղթային կարգավիճակից: Այնուամենայնիվ, քիչ հավանական է, որ միայն երեխայի նպաստ ստանալը կարող է հանգեցնել ծնողի կալանքի: Թեև ներկայիս վարչակազմը իր ներգաղթային քաղաքականությունն իրականացնելու համար ձեռնարկել է մի շարք միջոցառումներ, այնուամենայնիվ, քիչ հավանական է, որ երեխայի խնամքի նպաստ ստացողների վերաբերյալ տվյալները կօգտագործվեն ներգաղթային վերահսկման նպատակներով։ 

Ընդհանուր առմամբ, ծնողները կարող են օգտվել երեխայի խնամքի նպաստներից՝ առանց մտահոգվելու, որ դա կարող է ապագայում բացասաբար անդրադառնալ բնակության կարգավիճակ ստանալու իրավասության վրա (հետապնդման ենթարկվելու հավանականությունը շատ ցածր է) 2։ Այնուամենայնիվ, ծնողները և խնամքի մատակարարները պետք է շարունակեն հետևել այս հարցին վերաբերող քաղաքականության ցանկացած փոփոխությանը։

Մատակարարները ընտանիքի հետ նման զգայուն հարցեր քննարկելիս պետք է նրբանկատորեն ընդգծեն արտակարգ իրավիճակների դեպքում ծրագրերի առկայության կարևորությունը: Այս ծրագիրը պետք է արտահայտի ծնողների ցանկությունը և արտակարգ իրավիճակներում (օրինակ՝ կալանք, արտաքսում, հոսպիտալացում և այլն) երեխայի խնամքի վերաբերյալ հստակ հրահանգներ տա խնամակալներին։ Արտակարգ իրավիճակների ծրագիրում պետք է նշված լինեն երեխայի մասին հոգ տանողի տվյալները, խնամքի տրամադրման քայլերը, և մանրամասներ երեխայի խնամքին առնչվող ծնողների նախընտրությունների վերաբերյալ: Տվյալ ծրագրում ծնողները պետք է ներառեն նաև կարևոր փաստաթղթերի պատճեններ, օրինակ` երեխայի ծննդյան վկայականը, բժշկական և դպրոցական գրառումները, անձնագրերը, սոցիալական ապահովության քարտերը, խնամակալության վերաբերյալ գրավոր վկայությունը և/կամ խնամակալի նշանակման փաստաթուղթը (եթե կիրառելի է), ազգականների և ընկերների ցուցակը, որոնց հետ հնարավոր է կապ հաստատել, ինչպես նաև ընտանիքի դատական և ներգաղթային փաստաթղթերը։

Խնամքի մատակարարներն ու ծնողները պետք է ստուգեն պանակում առկա արտակարգ իրավիճակների դեպքում կոնտակտային անձանց վերաբերյալ տվյալները` համոզվելու համար, որ դրանք ճշգրիտ են և թարմացված։ Հաստատեք երեխային վերցնելու համար լիազորված անձանց անունները և նրանց կոնտակտային տվյալները: Լիազորված անձինք պետք է տեղեկացված լինեն, որ արտակարգ իրավիճակի դեպքում նրանց հետ կապ կհաստատեն:

Այլընտրանքային խնամակալներ ընտրելիս ծնողները պետք է նախապատվությունը տան հաստատակամ, վստահելի, երեխային ծանոթ մեծահասակի։ Խնամքի մատակարարների խրախուսմամբ ընտանիքները պետք է նշեն մի քանի լրացուցիչ խնամակալներ, եթե իրենց նշած առաջին կոնտակտային անձի հետ կապ հաստատել չստացվի: Խնամակալը պետք է ծանոթ լինի երեխայի բժշկական օգնության և կրթության վերաբերյալ ընտանիքի ցանկություններին:

Գոյություն ունեն պաշտոնական և ոչ պաշտոնական խնամակալներ: Ոչ պաշտոնական խնամակալը կարող է ֆիզիկապես հոգ տանել երեխայի մասին, սակայն չունենալ երեխայի վերաբերյալ որոշումներ կայացնելու օրինական իրավունք: Ոչ պաշտոնական խնամակալի առկայության դեպքում ծնողը պահպանում է երեխայի նկատմամբ իր օրինական իրավասությունները։ Կալիֆոռնիայում ոչ պաշտոնական խնամակալները կարող են խնամակալության լիազորագման վկայագրի միջոցով երեխայի խնամքի մատակարարներին, դպրոցի պաշտոնյաներին և բժիշկներին տեղեկացնել, որ ծնողի բացակայության դեպքում նրանք երեխայի համար կապահովեն բնակարան, սնունդ և խնամք։ Այս ձևաթուղթը հաստատված է Կալիֆոռնիայի օրենսդրությամբ, սակայն չի հանդիսանում դատական գործընթացի մաս: Ընտանիքները պետք է հաշվի առնեն` պարտադիր չէ, որ նշանակված խնամակալը ունենա օրինական ներգաղթային կարգավիճակ, և ձևաթուղթը պետք է ստորագրվի միայն նշանակված խնամակալի կողմից: Լիազորման վկայագրի օրինակը կարող եք գտնել այս  ուղեցույցում:

Դատավորը կարող է երեխայի պաշտոնական խնամակալությունը հանձնել խնամակալին իրավական խնամակալության որոշման միջոցով: Իրավական խնամակալության դեպքում` ծնողների օրինական իրավունքները իրենց երեխայի նկատմամբ կասեցվում են մինչև խնամակալության օրինական դադարեցումը կամ երեխայի 18 տարեկան դառնալը։ Խնամակալը պետք է լինի առնվազն 18 տարեկան, ի վիճակի լինի ֆիզիկապես հոգ տանել երեխայի մասին և պատասխանատվություն կրի իրավական, բժշկական և կրթական որոշումներ կայացնելու, երեխայի հիմնական կարիքները բավարարելու համար: Օրինական խնամակալի նշանակումն իրականացվում է բացառապես դատարանի որոշմամբ, սակայն ծնողները լրացնելով GC-211 կամ խնամակալի նշանակման ձևաթուղթը (և այն վավերացնելով նոտարական կարգով) կարող են նշանակել որոշակի անձի որպես իրենց երեխայի խնամակալ: Ծնողները կարող են այս նշանակումը դարձնել կիրառելի միայն իրենց կալանավորման կամ արտաքսման դեպքում: Դատարանի կողմից խնամակալության վերաբերյալ որոշում կայացնելիս ծնողների կողմից խնամակալության համար նշանակված անձի թեկնածությունը հաշվի կառնվի:

Խնամակալությունն ավելի երկարատև իրավական գործընթաց է: Նախ, այն պահանջում է, որ հավանական խնամակալը լրացնի տարբեր դիմումի ձևեր և տեղեկացնի հարազատներին խնամակալության ծրագրի մասին: Այդ ձևաթղթերը ներկայացնելուց հետո դատարանը կնշանակի քննիչ, որը կհանդիպի հավանական խնամակալի հետ` խնամակալի թեկնածուի անձի պատմությունը ստուգելու և խնամակալության անհրաժեշտությունը գնահատելու համար։ Վերջապես, լրացուցիչ փաստաթղթերը լրացնելուց հետո, հավանական խնամակալը կներկայանա խնամակալության վերաբերյալ դատական լսումներին: Լսումների ժամանակ դատավորի կողմից որոշում կկայացվի նշանակված խնամակալին որպես երեխայի օրինական խնամակալ կարգելու հարցը: Խնամակալությունը լավագույնս նպատակահարմար է ծնողների երկարատև բացակայության դեպքում, քանի որ դրա դադարեցման համար սովորաբար պահանջվում է դատարանի կողմից  որոշում: Խնամակալության վերաբերյալ լրացուցիչ տեղեկություններ կարող եք գտնել այս ուղեցույցում: Քայլ առ քայլ հրահանգներն ու ձևաթղթերը հասանելի են այստեղ:

Ծնողը ցանկացած պահի կարող է դիմել դատարան խնամակալության դադարեցման և ծնողի խնամակալության և օրինական իրավունքների վերականգնման պահանջով: Այնուամենայնիվ, պետք է իմանալ, որ խնամակալության դադարեցումը դյուրին գործընթաց չէ: Արտակարգ իրավիճակների պլանավորման գործընթացում ընտանիքներին աջակցելու համար կարելի է նրանց առաջարկել նմուշային փաստաթղթեր կամ ձևանմուշներ`նրանց կարիքներին համապատասխան ծրագրեր մշակելու համար և հավաստիացնել, որ իրենց երեխաները` անկախ ներգաղթային կարգավիճակից, իրավունք ունեն ստանալ անվճար հանրային կրթություն:

Վերջապես, խնամքի մատակարարները պետք է խրախուսեն ընտանիքներին իրենց երեխաների հետ քննարկել այս ծրագրերը և պահանջել, որ նրանցից անգիր իմանալ լիազորված անձանց կոնտակտային տվյալները: Քննարկեք ընտանիքների կողմից իրենց երեխաներին հուզական աջակցություն ցուցաբերելու եղանակները և զրուցներ անց կացրեք երեխաների հետ, որի արդյունքում երեխաները կկարողանան արտահայտել և հաղթահարել ցանկացած վախ կամ հուզմունք։ Խնամքի ծառայությունների մատակարարը պետք է տրամադրի իրավաբանական աջակցություն տրամադրող տեղական կազմակերպությունների կոնտակտային տվյալները և ունենա ռեսուրսներ, որոնք ընտանիքները կարող են ուսումնասիրել և առաջարկել իրենց երեխաներին։

Այդ ռեսուրսներից և կազմակերպություններից են.

Ընտանիքի չափահաս անդամների համար.

• Guardianship Planning in Anticipation of Deportation (Խնամակալության պլանավորումը մինչև արտաքսումը)

• Public Counsel Family Preparedness Guide (Ընտանեկան արտակարգ իրավիճակների պլանավորման ուղեցույց հանրային իրավապաշտպանից)

• Preserving Family Unity and Protecting Parental Rights when Facing Deportation 

( Արտաքսման դեպքում ընտանիքի միասնության պահպանում և ծնողական իրավունքների պաշտպանություն)

• First 5 California 

•  Immigrant Family Resources (Ռեսուրսներ ներգաղթյալ ընտանիքի համար)

•  Toolkit: Protecting Immigrant Families Facing Deportation (Գործիքակազմ. արտաքսման վտանգի տակ գտնվող ներգաղթյալ ընտանիքների պաշտպանություն)

•  Rainbows for Children – Support Groups (Ծիածաններ երեխաների համար. աջակցության խումբ)

Երեխաների համար.

• First 5 California – Care, Cope, Connect (First 5 California. հոգատարություն, հաղթահարում, կապ)

•  An Activity Book for Latino Children Impacted by Deportation 

•  (Գործունեությունների գիրք արտաքսման ազդեցությունը կրած լատինո երեխաների համար)

18 Books for Kids About the Immigrant Experience in America  (18 գիրք երեխաների համար Ամերիկայում ներգաղթյալների փորձառության վերաբերյալ)

Խնամքի մատակարարները պետք է կազմեն և պահպանեն արտակարգ իրավիճակների արձագանքման ծրագիր՝ կենտրոնի սեփականատիրոջ կամ խնամակալի ձերբակալման դեպքում։ Այս ծրագիրը պետք է ընդգրկի անձնակազմի յուրաքանչյուր անդամի պարտականությունները և գործողությունները ուղղված երեխաների անվտանգության ապահովմանը ։ Անհրաժեշտության դեպքում, խնամքի մատակարարման ծառայության մյուս չափահաս աշխատակիցները պետք է կապվեն յուրաքանչյուր երեխայի ծնողի/խնամակալի հետ և խնդրեն գալ և վերցնել երեխային: Եթե չի հաջողվում երեխայի ծնողի/խնամակալի հետ կապ հաստատել, ապա խնամքի մատակար ծառայության աշխատակիցները պետք է կապվեն լիազորված անձանց ցանկում ընդգրկված կոնտակտային անձանց հետ:

Անհրաժեշտ է գտնել և վերապատրաստել մի քանի այլ մանկական խնամքի մատակարարների, որոնք համապատասխանում են նահանգային լիցենզավորման պահանջներին և կկարողանան արտակարգ իրավիճակներում տրամադրել մանկական խնամքի ծառայություն։ Մատակարարները պետք է համապատասխանեցնեն բոլոր արձանագրությունները Կալիֆոռնիայի համայնքային խնամքի լիցենզավորման բաժնի պահանջներին: Եթե տվյալ այլընտրանքային խնամակալը հասանելի է, ապա նա կարող է ստանձնել բիզնեսի ձերբակալված սեփականատիրոջ կամ նրա օգնականի պարտականությունները։ Հասանելի չլինելու դեպքում` հաստատությունը կարող է ժամանակավորապես փակվել մինչև որևէ այլ լիցենզավորված մատակարար կարողանա վերսկսել երեխայի խնամքի մատակարարի ծառայության մատուցումը: Գործող անձնակազմը պետք է այդ մասին ահապաղ տեղեկացնի նաև խնամքի մատակարար ծառայության լիցենզավորման վերլուծաբանին և ներկայացնի միջադեպի վերաբերյալ զեկույց: