Երեխայի խնամքի մատակարարը պետք է ապահովի երեխային խնամքի հաստատություն բերող և խնամքի հաստատությունից վերցնող անձանց կողմից երեխային բերելու և վերցնելու գրանցման գործընթացը: Խնամքի կենտրոն երեխայի մուտքն ու ելքը գրանցող անձը պետք է ստորագրի իր օրանական ստորագրությամբ և գրանցի երեխային բերելու և վերցնելու ժամանակը: Եթե սուբսիդավորման գործակալությունը խնամքի մատակարարից չի պահանջում մուտքի և ելքի թերթիկները համապատասխան ստորագրություններով պահպանել մեկ ամսից ավելի, ապա խնամքի մատակարարը պարտավոր է դրանք պահել առնվազն մեկ ամիս։

Եթե երեխայի ծնողն արտաքսվել է և երեխային խնամում է մեկ այլ խնամակալ, ապա նա պետք է գրանցի մանկական խնամքի հաստատություն երեխայի մուտքն ու ելքը։ Խնամակալի ստորագրությամբ մուտքի և ելքի գրանցման թերթիկները բավարար հիմք են հանդիսանում, որպեսզի խնամքի մատակարարը կարողանա ստանալ վճարում սուբսիդավորման գործակալություններից։

Երեխայի բացակայությունը խնամքի ծրագրից կարող է արդարացվել «ընտանեկան արտակարգ իրավիճակի» կամ այն դեպքում, երբ բացակայությունը «բխում է երեխայի շահերից»։ Երեխայի խնամքի մատակարարների կողմից պետք է ընդունվի ողջամիտ քաղաքականություն, որում պետք է նշվեն այն հանգամանքները, որոնք համարվում են հարգելի բացակայություններ: Խնամքի մատակարարները պետք է այդ քաղաքականության մասին տեղեկացնեն ծնողներին:

Ներգաղթային ստուգումներից վախենալու պատճառով ծնողի կողմից երեխային տանը պահելը կարող է համարվել հարգելի բացակայություն։ Ծնողները և խնամակալները պետք է հաշվի առնեն, որ «երեխայի շահերից բխող» բացակայությունները պայմանագրի ժամկետի ընթացքում չեն կարող գերազանցել տաս օրը: Ներկայության գրանցամատյաններում միշտ պետք է նշվի երեխայի անունը, բացակայության ամսաթիվը և բացակայության հստակ պատճառը, ծնողի ստորագրությունը, կամ եթե հարգելի բացակայությունը հաստատվում է հեռախոսի միջոցով, ապա` խնամքի մատակարարի ստորագրությունը:

Բացառությամբ այն դեպքերի, երբ երեխայի խնամքի ծառայության մատակարարումը կասեցվել է (այսինքն՝ երբ ընտանիքը չի օգտվել երեխայի խնամքի ծառայություններից, կամ չի կապվել մատակարարի հետ յոթ (7) անընդմեջ օրացուցային օրվա ընթացքում և չի տեղեկացրել մատակարարին չհաճախելու պատճառը), խնամքի մատակարարը պետք է վճարվի ծնողի նախնական գրանցման ժամանակ սահմանված պլանի համաձայն՝ անկախ երեխայի փաստացի հաճախելիությունից: 
Ավելի մանրամասն տեղեկությունների համար մատակարարները պետք է ծանոթանան իրենց սուբսիդավորող գործակալության ուղեցույցին և հաշվի առնեն, որ կարող են լինել հարգելի բացակայությունների քանակի սահմանափակումներ, որոնց համար գործակալությունը կվճարի որոշակի պայմանագրային ժամկետի ընթացքում։

Անկախ յուրաքանչյուրի ներգաղթային կարգավիճակից` բոլոր մարդիկ ունեն սահմանադրական իրավունքներ: Այս իրավունքները տարածվում են նաև մանկական խնամքի կենտրոնների վրա, այդ թվում նաև դաշնային կամ նահանգային կառավարության կողմից սուբսիդավորված մանկական խնամքի մատակարարների վրա: Այս իրավունքները ներառում են ներգաղթային գործակալներից ինքնությունը հաստատող փաստաթղթեր պահանջելու, լռություն պահպանելու, իրադարձությունը փաստաթղթավորելու և արձանագրելու, ինչպես նաև փաստաթղթեր պահանջելու և դատարանի որոշման բացակայության դեպքում մասնավոր սեփականություն ներս չթողնելու իրավունքը։ Բացի այդ, քանի որ երեխայի խնամքի մատակարարներն իրենց գործունեությունն իրականացնում են մասնավոր սեփականություն համարվող իրենց տներից, ապա նրանք կարող են արգելել ներգաղթային գործակալներին մուտք գործել իրենց տուն, եթե գործակալները չունեն դատարանի որոշում:

Եթե երեխայի խնամքի մատակարարի հետ կնքված պայմանագիրը պահանջում է հաստատությունից դուրս գալուց առաջ երկշաբաթյա ծանուցում, և ընտանիքը երկշաբաթյա ծանուցում չտրամադրելով խախտում է պայմանագիրը, ապա մատակարարը կարող է փորձել կիրարկել պայմանագիրը հետևյալ կերպ. 1) օգտագործել գրանցման ժամանակ ընտանիքի կողմից վճարված կանխավճարը չվճարված գումարի գանձման համար (եթե մատակարարի պայմանագրով պահանջվում է կանխավճար). կամ 2) ներկայացնել ընտանիքին պահանջագիր՝ նշելով վճարման կոնկրետ վերջնաժամկետ, և ապա ընտանիքի կողմից վճարումը մինչև վերջնաժամկետը չստնալու դեպքում` ընտանիքին ներկայացնի վնասի փոխհատուցման պահանջ: Փոքր պահանջների համար դատական հայցեր ներկայացնելու վերաբերյալ լրացուցիչ տեղեկությունների հետ ծանոթացեք այստեղ:

Խնամքի մատակարարը մշտապես պետք է փորձի անել հնարավորինս ամեն ինչ, որպեսզի իրենց խնամքի տակ գտնվող յուրաքանչյուր երեխա ունենա մի քանի արտակարգ իրավիճակների կոնտակտներ/լիազորված անձինք, ովքեր կարող են գալ և վերցնել երեխային։

Ծնողի ձերբակալության պատճառով երեխային սովորական վերցնելու ժամանակից ավելի երկար պահելով՝ խնամքի մատակարարը կարող է վտանգել իր համապատասխանությունը անձնակազմի քանակի և/կամ աշխատուժի հնարավորությունների պահանջնեերին` համաձայն երեխայի խնամքի արտոնագրում ներկայացված դրույթների: Այնուամենայնիվ, ծնողի ձերբակալությունը կարող է համարվել արտակարգ հանգամանք: Խնամքի ծառայություն մատակարարը պետք է անմիջապես կապ հաստատի իր լիցենզավորման վերլուծաբանի հետ՝ առաջարկություններ ստանալու համար և Համայնքային ծառայությունների լիցենզավորման բաժին ներկայացնի անսովոր միջադեպի/վնասվածքի մասին զեկույց (Licensing Form 624B):

Խնամքի մատակարարը, արտակարգ իրավիճակների կոնտակտային/լիազորված անձանց ցուցակում նշված բոլոր խնամակալների հետ կապ հաստատելու անհաջող փորձերից հետո, պետք է փաստաթղթավորի իրավիճակը` արտակարգ, երկարաժամկետ խնամքի ծառայության անհրաժեշտությունը հիմնավորելու նպատակով։ Փաստաթղթերում պետք է նշված լինի երեխայի անունը, արտակարգ, երկարաժամկետ խնամքի ծառայության ամսաթիվը և ժամը, ինչպես նաև ծնողի ձերբակալության վերաբերյալ հայտնի ցանկացած մանրամասնություն։ Խնամքի մատակարարները պետք է նաև արձանագրեն լիազորված և արտակարգ իրավիճակների կոնտակտային անձանց հետ կապ հաստատելու իրենց ջանքերը։ Եթե արտակարգ իրավիճակում հնարավոր չի եղել որոշակի զգալի ժամանակահատվածում կապ հաստատել որևէ արտակարգ իրավիճակի համար կոնտակտային/ լիազորված անձի հետ, ապա խնամքի մատակարարը պետք է ոչ արտակարգ իրավիճակների ընթացակարգով կապվի տեղական իրավապահ մարմինների կամ երեխաների պաշտպանության ծառայությունների հետ:

Խնամքի մատակարարը պետք է պահպանի հանգստություն և վստահություն ներշնչի երեխաներին՝ ապահովելով նրանց անվտանգությունը: Խնամքի մատակարարը պետք է ջանքեր գործադրի երեխաների և ներգաղթային գործակալների միջև շփումը նվազագույնի հասցնելու ուղղությամբ, օրինակ` երեխաներին ուղեկցի ներս կամ տանի ներգաղթային գործակալի տեսադաշտից դուրս: Խնամքի մատակարարները պետք է հետևեն իրավապահ մարմինների/ներգաղթի գործակալների հետ փոխազդեցության համար սահմանված ընթացակարգերին և գրավոր քաղաքականությանը։ Ներգաղթային գործակալների հետ փոխազդեցության վերաբերյալ լրացուցիչ ուղեցույցների և քաղաքականության նմուշների հետ կարող եք ծանոթանալ այստեղ:

Չնայած խնամքի մատակարարը կարող է չհանդիսանալ տան սեփականատերը, այնուամենայնիվ, նա է տնօրինում է այն տարածքը, որտեղ տրամադրվում է երեխայի խնամքը։ Խնամքի մատակարարը, որպես կանոն, ողջամտորեն ակնկալում է, որ կպահպանվի իր տան գաղտնիության իրավունքը, ինչը նշանակում է, որ ներգաղթային գործակալները չեն կարող մուտք գործել տուն առանց համապատասխան դատական որոշման: Ներգաղթային գործակալների այցելության դեպքում խնամքի մատակարարը պետք է նրանցից պահանջի համապատասխան դատական որոշումներ և հետևի իրավապահ մարմինների հետ փոխազդեցության համար սահմանված արձանագրություններին: Կարևոր է փաստաթղթավորել և արձանագրել ICE-ի հետ ունեցած բոլոր փոխազդեցությունները`այդ փոխասզդեցությունների վերաբերյալ հնարավորինս շատ մանրամասներ գրառելով:

Իրավունքի և սոցիալական քաղաքականության կենտրոնը (CLASP) մշակել է վաղ մանկության ծրագրերի համար անվտանգ տարածքի ստեղծման քաղաքականության ուղեցույց, որի հետ կարող եք ծանոթանալ այստեղ: Խնամքի մատակարարները պետք է նաև հետամուտ լինեն, որ թարմացվեն իրենց խնամքի տակ գտնվող երեխաներին խնամքի կենտրոնից վերցնող արտակարգ իրավիճակների կոնտակտների և լիազորված անձանց մասին տվյալները, և խրախուսեն ընտանիքներին իրենց երեխաների համար մշակել արտակարգ իրավիճակների արձագանքման ծրագրեր:

Մշտական բնակիչները իրենց հետ պետք է մշտապես ունենան ներգաղթային կարգավիճակի ապացույցը, և այդպիսի ապացույց է հանդիսանում գրին քարտը: Յուրաքանչյուր անձ պետք է իր հետ ունենա իր գրին քարտը` հնարավոր ձերբակալությունից կամ կալանքից խուսափելու համար։ Անհրաժեշտ փաստաթղթերի առկայությունը կարող է նպաստել իրավապահ մարմինների հետ ավելի սահուն և արդյունավետ փոխգործակցությանը։

Խնամքի ծառայության մատակարարներն իրենց գրին քարտը ներկայացնելու և գործակալի կողմից անտեսվելու դեպքում պետք է քաղաքավարի կերպով գործակալին հանձնեն իրենց գրին քարտը, նշեն իրենց իրավական կարգավիճակը և հարցնեն իրենց կանգնեցնելու և/կամ հարցաքննելու պատճառը։ Հանգիստ տեղեկացրեք գործակալին նաև այն մասին, որ նախընտրում եք լռություն պահպանել և չեք համաձայնում որևէ խուզարկության։ Եթե իրավիճակը չի փոխվում, գրանցեք գործակալի կրծքանշանի համարը և անունը, և անվտանգ լինելու դեպքում` կապվեք փաստաբանի հետ։

Աշխատանքային թույլտվությունների և I-9 մշտադիտրակումների վերաբերյալ հարցերի համար ծանոթացեք այս նյութին կամ այս նյութին:

Եթե երեխան ունի անհետաձգելի բժշկական խնդիր, խնամքի մատակարարը պետք է անմիջապես կապվի երեխայի ծնողների/խնամակալների հետ և տեղեկացնի նրանց իրավիճակի մասին: Եթե խնամքի մատակարարն ունի ծնողների/խնամակալների թույլտվությունը, նա կարող է դիմել երեխայի անհետաձգելի բժշկական օգնության համար: Այս ձևաթուղթը կարող է օգտագործվել շտապ բժշկական օգնության թույլտվություն ստանալու համար։ Անհետաձգելի բժշկական օգնության և աշխատանքի մասին օրենքը (EMTALA) դաշնային օրենք է, ըստ որի շտապ օգնության բաժանմունք ունեցող հիվանդանոցները պարտավոր են զննել բոլոր հիվանդներին՝ անկախ նրանց ներգաղթային կարգավիճակից` համապատասխան բուժման ընթացք որոշելու համար։ Եթե հիվանդանոցում երեխայի իրավիճակը գնահատվի ծանր, ապա, պետք է կամ ցույց տրվի անհրաժեշտ բժշկական օգնություն, կամ կազմակերպի անվտանգ տեղափոխումը մեկ այլ հաստատություն: EMTALA-ի նպատակն է ապահովել, որ բոլորն ունենան անհրաժեշտ շտապ բժշկական օգնության հասանելիություն:

Անգլերենի սահմանափակ իմացությամբ (LEP) անձինք՝ այսինքն նրանք, ովքեր դժվարանում են անգլերեն լեզվով խոսել, կարդալ, գրել կամ այն հասկանալ, կարող են ստանալ լեզվական աջակցություն իրավունք։ Արդյոք խնամքի մատակարարը համարվում է սահմանափակ անգլերենի իմացությամբ անձ (LEP), թե ոչ, որոշվում է տվյալ իրավիճակի համատեքստից ելնելով։ Օրինակ՝ ներգաղթի գործակալները կարող են համարել, որ տվյալ տմատակարարը ունի բավարար անգլերենի իմացություն որոշակի աշխատանքային միջավայրի համար, սակայն այդ հմտությունները կարող են բավարար չլինել այլ միջավայրում։

Լեզվի հասանելիության ծառայությունները սահմանվում են որպես «բանավոր և գրավոր լեզվական ծառայություններ, որոնք թույլ են տալիս անգլերենի սահմանափակ իմացություն ունեցող անձանց արդյունավետ կերպով հաղորդակցվել անձնակազմի հետ՝ ներգաղթային գործակալների կողմից իրականացվող ծառայություններից օգտվելու, միջոցառումներին մասնակցելու կամ այլ ծրագրերից օգտվելու և դրանց լիարժեք մասնակցելու համար»։ 

ԱՄՆ ներգաղթի և մաքսային ծառայության (ICE) քաղաքականությունն է այս ծառայությունների մատուցումը «հանրության անդամներին, ովքեր ցանկանում են օգտվել ICE ծրագրերից, միջոցառումներից և ծառայություններից, ICE-ի կալանքի տակ գտնվող անգլերենի սահմանափակ իմացություն ունեցող անձանց և ICE-ի կողմից ձերբակալված անգլերենի սահմանափակ իմացություն ունեցող անձանց»։ 

“ICE LAP -ը վերաբերում է գործակալության այն գործառույթներին, որոնց շրջանակներում ICE աշխատակիցները շփվում են իրավապահ մարմինների հետ փոխազդեցության մեջ գտնվող, ICE-ի կողմից ձերբակալված, ինչպես նաև այն անձանց հետ, որոնք գտնվում են ICE-ի հաշվետվության ներքո (օրինակ՝ համաձայնության կամ վերահսկողության հրամաննեերի հիման վրա), ներառյալ HIS -ի (Հայրենիքի անվտանգության հետաքննություն) իրականացրած հետաքննությունների ընթացքում հայտնաբերված տուժողների և վկաների հետ աշխատանքը: Սա ներառում է, բայց չի սահմանափակվում միայն կայքերով, բլոգներով, սոցիալական ցանցերով, էլեկտրոնային փոստով, հեռախոսով և անձնական շփումներով։

ICE-ի կալանավայրերը ողջ գործընթացի ժամանակ պարտավոր են տեղեկություն տրամադրել բոլոր ձերբակալված անձանց այն լեզվով կամ եղանակով, որը հասկանալի է նրանց համար ողջ գործընթացի ընթացքում։ Հաղորդակցությունը հեշտացնելու նպատակով` ձերբակալված անձանց նաև հասանելի են մասնագիտական թարգմանչական ծառայություններ և երկլեզու անձնակազմ: Գրավոր նյութերի մեծ մասը թարգմանվում է իսպաներեն և այլ լեզուներով, որոնցով սովորաբար խոսում են անգլերենի սահմանափակ իմացություն ունեցող անձինք: Ձերբակալված անձինք իրավունք ունեն օգտվելու թարգմանչի ծառայություններից, եթե գրավոր նյութերը չեն թարգմանվում իրենց լեզվով, կամ եթե նրանք տառաճանաչ չեն:

Ներգաղթային գործակալների այցելության դեպքում (դատական որոշումով կամ առանց դրա) երեխաների խնամքի մատակարարներն իրավունք ունեն պահպանել լռություն: Այս իրավունքն իրացնելու համար հստակ կերպով ասեք. «Ես նախընտրում եմ լռել և ցանկանում եմ խոսել փաստաբանի հետ»։ Այդ պահին ներգաղթային գործակալները պարտավոր են դադարեցնել ցանկացած հարցաքննություն։ Այս պարագայում կարևոր է պահպանել լռություն և չվերսկսել զրույցը, քանի որ խոսել շարունակելով կհրաժարվեք այդ իրավունքի իրացումից։

Խնամքի ծառայության մատակարարներն իրավունք ունեն խորհրդակցել փաստաբանի հետ«ձերբակալված լինելու» ընթացքում, այսինքն, այն ժամանակ, երբ չեն կարող լքել տվյալ տարածքը: Սա վերաբերում է նաև այն դեպքերին, երբ խնամքի մատակարարը ձերբակալվում է հարցաքննության նպատակով կամ գտնվում է կալանքի տակ։ Այդ դեպքերում խնամքի մատակարարներն ունեն իրավունք հարցաքննության ենթարկվել իրենց փաստաբանի ներկայությամբ։ 

Խնդրում ենք նկատի ունենալ, որ կառավարությունը պարտավոր չէ անվճար խորհրդատվություն տրամադրել կալանավորված /ներգաղթային գործընթացներում գտնվող անձանց: Որոշ ոչ առևտրային իրավաբանական ծառայություններ մատուցող կազմակերպություններ, ինչպիսիք են CHIRLA-ն, CARECEN-ը, Immigrant Defenders-ը և Public Counsel-ը, առաջարկում են անվճար ծառայություններ։

REAL ID-ն հիմնականում օդային ճանապարհորդությունների և անվտանգության ոլորտի դաշնային հաստատություններ (օրինակ` դաշնային դատարաններ և ռազմական բազաներ) մուտք գործելու համար է: Ընտանիքները կամ մատակարարները, որոնց անհրաժեշտ է ճանապարհորդել ներքին չվերթներով, պետք է ստանան REAL ID: Խնամքի մատակարարները և ընտանիքները կարող են դիմել DMV-ի տեղական մասնաճյուղ REAL ID ստանալու համար` ներկայացնելով անձը հաստատող փաստաթուղթ, Կալիֆոռնիայի բնակության վայրի վերաբերյալ ապացույց, և իրենց սոցիալական ապահովագրության համարը։ Կալիֆոռնիայի այն բնակության օրինական կարգավիճակ չունեցող բնակիչները, որոնք ունեն AB 60 վարորդական իրավունք, իրավունք չունեն ստանալու REAL ID վարորդական իրավունք կամ նույնականացման քարտ։ Հավանականությունը փոքր է, որ REAL ID-ի առկայությունը անմիջականորեն ազդեցություն կունենա երեխաների խնամքի մատակարարների կամ երեխաների խնամքի ծառայություններ փնտրող ընտանիքների վրա։ Խնամքի մատակարարները պետք է հայտնեն ընտանիքներին, որ կարող են օրինական կերպով գրանցել իրենց երեխային մանկական խնամքի հաստատություններում նույնիսկ առանց REAL ID ունենալու։ Երեխաներին մանկապարտեզում գրանցելու համար ընտանիքներին անհրաժեշտ է միայն վարորդական իրավունք կամ այլ անձը հաստատող փաստաթուղթ, այդ թվում՝ AB 60 վարորդական իրավունք։

Իրավապահ մարմինների և ներգաղթի գործակալները կարող են մուտք գործել մասնավոր տարածքներ միայն եթե ունեն դատական որոշում: Երբ ներգաղթային գործակալները այցելում են երեխաների խնամքի հաստատություն, խնամքի մատկարարը չպետք է բացի դուռը, եթե գործակալները չունեն դատարանի որոշում։ Խնամքի հաստատության քաղաքականության համաձայն՝ ներգաղթային գործակալների հետ խոսելու համար լիազորված անձը կարող է նրանց խնդրել, որ իրենց մոտ եղած դատական օրդերը փոխանցեն դռան ներքևի բացվածքով կամ դատական օրդերը ներկայացնեն այլ կերպ` առանց դուռը բացելու անհրաժեշտության:

Դատական որոշումները խուզարկության և/կամ ձերբակալման օրդերներ են, որոնք վավեր և կիրառելի լինելու համար տրվում են դաշնային դատարանի կողմից և ստորագրվում են դատավորի կողմից՝ Սահմանադրության Չորրորդ փոփոխության համաձայն։ Թեև տան և աշխատավայրի խուզարկության և առգրավման համար օգտագործվող փաստաթղթերը, որպես կանոն, նույնն են, այդ վայրեր օրինական մուտքի համար անհրաժեշտ տվյալները կարող են տարբեր լինել։ Օրինակ, քանի որ մարդիկ ավելի շատ գաղտնիություն են ակնկալում տանը, քան աշխատավայրում, աշխատավայրի խուզարկության օրդերը կարող է թույլ տալ ավելի լայնածավալ խուզարկություններ։ Մասնավորապես, աշխատավայրի խուզարկման օրդերը կարող է վերաբերել գործարար գրառումներին, աշխատակիցների տվայալներին կամ հաճախորդների անձնական ֆայլերին։ Քանի որ տները ենթակա են պաշտպանության ավելի բարձր մակարդակի, քան աշխատավայրերը, տան խուզարկության օրդրերները պետք է առավել մանրամասնորեն նշեն փնտրվող տեղեկությունը կամ առարկաները: Հաշվի առեք նաև այն, որ միայն դատական կալանքի օրդերը ներգաղթային գործակալներին լիազորություն չի տալիս ձերբակալության նպատակով մուտք գործել երրորդ կողմի տուն կամ բիզնես:

Վարչական որոշումները չեն հանդիսանում դատական որոշումներ: Վարչական որոշումն ավելի հավանական է, որ ստորագրված լինի ներգաղթային ծառայության աշխատակցի, այլ ոչ թե դատավորի կողմից։ Սա ներգաղթային գործակալներին իրավունք չի տալիս մուտք գործել մասնավոր տարածք։ Այս որոշումները կարող են օգտագործվել օրդերում նշված անձի ձերբակալման համար: ICE-ի աշխատակիցները միայն վարչական որոշում ունենալու դեպքում առանց մատակարարի համաձայնության չեն կարող մտնել մանկական խնամքի մատակարարի տուն:

Օրդերի մեջ պետք է նշված լինի.

• Ո՞ւմ կողմից է տրվել փաստաթուղթը

• Արդյո՞ք այն թույլատրում է օբյեկտի խուզարկություն: Ի՞նչ է դրանով թույլատրվում:

• Արդյո՞ք փաստաթուղթը ժամկետի մեջ է: Դրա ստորագրման օրվանից անցե՞լ է 14 օր, թե ոչ:

• Այն ստորագրվել է դատավորի՞, թե ներգաղթային գործակալի կողմից:

Եթե օրդերը ստորագրված է ոչ թե դատավորի, այլ ներգաղթային գործակալի կամ Հայրենիքի անվտանգության դեպարտամենտի գործակալի կողմից, ապա այն վավեր դատական օրդեր չի համարվում։ Եթե փաստաթուղթը ստորագրված է դատավորի կողմից, համոզվեք, որ դատավորի ստորագրությունը անմիջապես էջի վրա է և չի դրոշմվել կամ ստեղծվել համակարգչային տառատեսակի միջոցով։ Ստուգեք և համոզվեք, որ ստորագրությունը համընկնում է ներքևում տպագրված անվան հետ։ Վավեր դատական օրդերի վրա պետք է նշված լինի փաստաթղթի տրամադման և ժամկետի ավարտի ամսաթվերը: Եվ վերջապես, համոզվեք, որ օրդերը ընթեռնելի է, գրված է կոկիկ և պարունակում է
տեղեկություններ խուզարկվող վայր(եր)ի և/կամ առգրավման երթակա իրերի կամ ձերբակալվող անձանց մասին: Դատական օրդերի և դատական ծանուցման վերաբերյալ լրացուցիչ տեղեկությունների համար ծանոթացեք այս նյութին:

Խնամքի մատակարարը, որին փողոցում կանգնեցրել են ներգաղթային գործակալները պետք է.

• Հանգստություն պահպանի

• Հայտնի գործակալներին, որ նախընտրում է պահպանել լռություն

• Հարցնել նրանց, թե արդյոք ազատ է և կարող է գնալ

  • Եթե գործակալն ասում է, որ խնամքի մատակարարն ազատ և կարող է գնալ, վերջինս կարող է անշտապ լքել տարածքը

  •  Եթե գործակալն ասում է, որ խնամքի մատակարարն ազատ չէ և չի կարող գնալ, խնամքի մատակարարը պետք է քաղաքավարի կերպով հրաժարվի հարցերին պատասխանելուց և պահանջի խոսել իր փաստաբանի հետ

• Խուսափեք նրանց փաստաթղթեր ցույց տալուց, եթե նրանք չեն մոտեցել ձեզ մեեքենա վարելիս, ձերբակալված չեք, կամ քաղաքացի չեք

•  Մի ներկայացրեք կեղծ տեղեկություններ

•  Խուսափեք առանց փաստաբանի ներկայության որևէ փաստաթուղթ ստորագրելուց 

• Մանրամասնորեն գրառեք ձեր հանդիպման վերաբերյալ բոլոր տեղեկությունները

Խնամքի մատակարարները, որոնց ներգաղթային գործակալները մոտեցել են մինչ նրանք երեխաների հետ են, պետք է նաև.

• Ապահովի երեխաների անվտանգությունը

• Հավաստիացնի երեխաներին, որ իրավիճակը վերահսկվում է

• Հայտնի գործակալին, որ նա նախընտրում է պահպանել լռություն և պետք է կապվի երեխաների ծնողների/խնամակալների հետ և թույլտվություն ստանա, նախքան գործակալը կհարցաքննի երեխային:

 Մինչդեռ Թրամփի վարչակազմը ավազակախմբային գործունեության մեջ կասկածվող անձանց արտաքսելու համար դատարանի որոշումների փոխարեն օգտագործել է 1798 թվականի «Օտարերկրյա թշնամիների մասին» օրենքը, այդ արտաքսումները դատական վեճերի առարկա են դարձել դատարաններում։ Ներկայումս դաշնային դատարանները արտաքսումներ իրականացնելու համար արգելափակում են վարչակազմի կողմից այս օրենքի կիրառումը։

Այս փաստաթուղթը հանդիսանում է ընդհանուր ուղեցույց և չպետք է համարվի իրավաբանական խորհրդատվություն: Այս փաստաթղթում առկա տեղեկությունները ժամանակի ընթացքում ենթակա են փոփոխության: Եթե ձեր փոքր բիզնեսը իրավաբանական օգնության կարիք ունի, կամ եթե դուք ունեք լրացուցիչ հարցեր ներկայացված հարցերի վերաբերյալ, խնդրում ենք կապվել Հանրային խորհրդատուի համայնքային զարգացման նախագծի հետ` (213) 385-2977 հեռախոսահամարով, ներքին համարը` 300, կամ մեր ծառայություններից օգտվելու համար դիմել առցանց այս հղումով.

https://publiccounsel.org/programs/community-development-project/get-help/: Համայնքային զարգացման նախագիծը անվճար իրավաբանական օգնություն է տրամադրում ցածր եկամուտ ունեցող ձեռնարկատերերին և ոչ առևտրային կազմակերպություններին, որոնք կիսում են մեր առաքելությունը, այն է` ծառայել ցածր եկամուտ ունեցող համայնքներին և աջակցել Լոս Անջելեսի շրջանում աղքատության խնդիրների լուծմանը։